Ayaw talagang magpatalo ni Flow G! Niyanig ng rapstar ang news feed natin nitong August 19, 2025, dahil sa kaniyang music video na mayro’n palang surprise feature! Sa isang Facebook post, in-announce niya ang release ng ‘Gotchu’ M/V kasama si Eva Elfie, isa sa pinakasikat na sexy star ngayon.

Bumuhos ang suporta sa comment section dahil maraming fans ang natuwa sa kakaibang collaboration na ito. Pabirong tanong pa ng isa, “Boss, may behind-the-scenes po ba? 😌” Paulit-ulit ding mababasa ang mga comment na “stepbro” at “stuck in the bathtub” na parehong reference tungkol sa sexy videos ni Eva Elfie.

Supportive naman ang partner ni Flow G na si Angelica Yap sa desisyon na ito. Siya pa mismo ang naging creative director ng music video! Caption niya sa shared post tungkol dito, “SI LODI KO PALA ‘TO, EH! 🫡”

Mapapanood na ang ‘Gotchu’ music video sa YouTube channel ni Flow G. Napanood mo na rin ba ito, YesPren?