Hindi kahit kailan natabunan ng panahon at nagkaroon pa ng ilang version ang kantang 'Anak' ni Freddie Aguilar at nitong May 26, namaalam na ang hitmaker. Sa Philippine Heart Center namatay si Ka-Freddie dahil sa multiple organ failure.

Bago ito, ilang update pa ang ibinahagi ng kaniyang asawa na si Jovie Aguilar sa kaniyang TikTok account tungkol sa kalagayan ng OPM icon.

@asadelaaguilar Replying to @M G Mercado Elecierto ♬ original sound - Asadela Aguilarrr

"Ang priority natin ngayon ay ang kalagayan ni Freddie, pasensya na kayo na wala akong mabigay na detailed info sa inyo kasi pangpamilya at malalapit na kaibigan lang muna ito," sabi ni Jovie.

Bumuhos naman ang pag-alala kay Ka-Freddie ng iba pang OPM artists sa social media. Pinasalamatan ni Jim Paredes ang batikang mang-aawit para sa mga awiting iniwan nito.

Ilang paboritong performances naman ni Ka-Freddie ang ibinabahagi ngayon ng kaniyang fans.

In honor of one of the pillars of OPM, Mr. Freddie Aguilar. Here's my favorite rendition of his classic hit 'Anak,' elegantly performed by Ms. Lea Salonga during her 2003 concert at PICC. pic.twitter.com/yrWmp00Q58

— Ysa (@ItsYsaCollano) May 27, 2025

May 27 nang ilibing agad si Ka-Freddie alinsunod sa paniniwala ng mga Muslim.