Kapit na kapit pa rin hanggang ngayon ang issue ng diumano'y paghihiwalay nina Gerald Anderson at Julia Barretto —isang bagay na makailang ulit na ring itinanggi ng aktor. Pero sa latest vlog na ‘Ogie Diaz Showbiz Update’ noong August 26, chinika niya na ‘’cool off‘” daw ang dalawa.

“Nakikita kong si Gerald at Julia, parang sila 'yung future. Sila pa rin 'yung ending.” Ito ang sinabi ni Mama Ogs matapos sabihin ng co-host niyang si Mama Loi Villarama na hindi na raw nakikitang magkasama ang ShowBiz couple sa kani-kanilang Instagram account.

Sabi raw ng source ni Ogie, may ibang tao raw na involved sa cool off na ito. May third party raw ba? ‘Yan din ang tanong ng dalawa—at malamang ‘yan din ang iniisip niyo, YesPren! Hahaha! Mga utak niyo rin, eh! EME!

Ang alam lang daw ng manager, over daw sa pagka-inlababo ang aktres kay Gerald anumang pagsubok ang harapin nila.

Tanging ang dalawa lang daw ang makakapagkuwento nang buo.

“Parang naghihintay lang daw ng signs si Julia, kasi kapag sila na ulit, kailangan kasalan na.” Ito ang huling sinabi ni Ogie tungkol sa chismis.