Sa huling interview ni Jason Fernandez sa Hangover, hindi niya inatrasan ang mga kumakalat na maaanghang na chismis tungkol sa kanya! May mga usap-usapan kasi na mahirap daw siyang pakisamahan at may katigasan daw ng ulo pagdating sa talent fees!

Sa halip na magalit, kalmado itong sinagot ni Jason. Diretsahan niya pang sinabi na ang pruweba niya ay ang kanyang bandang Santa Maria. Ayon kay Jason, mahigit 15 years na silang buo at magkakasama. Para sa kanya, ang haba ng panahong ito ang pinakamabisang patunay na mali ang mga chismis.

Banggit niya, hindi tatagal nang mahigit isang dekada ang mga bandmates niya na mga beterenanong musikero na rin mula sa ibang banda kung talagang toxic siyang katrabaho o madaya sa pera. "I don't need to explain anything," hirit niya, dahil sapat na ang loyalty ng mga kasama niya bilang depensa sa kanyang karakter.

Sa huli, ipinakita ni Jason na sa industriya ng musika, mas matimbang ang tunay na samahan kaysa sa anumang sabi-sabi. Kitang-kita na SOLID ang pundasyon niya sa kanyang career at mga katrabaho!

Panoorin ang buong interview niya rito: