Mukhang may isang tatay na mapapagalitan ng sarili niyang anak! Sa isang interview sa victory party ng 'Mamay: A Journey to Greatness' noong August 23 sa Quezon City, ibinuking mismo ni Jeric Raval na may dalawa na siyang apo mula sa anak niyang si AJ Raval at partner nitong si Aljur Abrenica.

Matagal nang lumalabas ang mga chismis tungkol sa umano’y anak ng showbiz couple, pero laging walang kumpirmasyon mula sa kanila. Kaya naman, marami ang na-shookt nang biglang ibulgar ni Jeric na may isang babae at isang lalaki na siyang mga apo.

Hanggang ngayon, tahimik pa rin ang lahat ng panig tungkol sa rebelasyon. Sa parehong araw pa nga ng interview, nag-post sina Aljur at ex-wife na si Kylie Padilla ng mga litrato kasama ang kanilang mga anak habang nanonood ng carnival—tila maayos naman ang co-parenting nila.

Ngayon, hinihintay na lang ng fans kung kailan ipapakita nina Aljur at AJ ang kanilang mga anak sa publiko.