'Di namin sure kung bakit parang hindi kayo mapakali sa buhay ng iba, kaya para pure facts naman daw ang alam niyo, sinagot na ni Jillian Ward ang lahat.

Sa isang interview sa 'Fast Talk With Boy Abunda,' naging emosyonal si Jillian Ward nang mapag-usapan ang issue ng pagkakaroon niya raw ng sugar daddy. Ayon sa kumakalat na chismis, 16 years old lang daw siya nang magsimulang maging "sugar baby." Dahil ito sa mga luxurios item na pino-post niya sa social media. 'Di pwedeng pinagtrabahuhan? DUH!

“At the time, ayoko pong magsalita kasi lagi sinasabi sakin, "If it’s not real, hindi mo kailangan magsalita." Tapos every year, nag-re-resurface po siya,” sabi ng aktres. Lahat daw ng nakikita natin ay pinaghirapan niya.

Nabuksan din ang issue tungkol sa pagiging jowa niya raw ni Chavit Singson. “Never ko po siyang nakilala, never ko po siyang na-meet. Never ko siyang nakausap. Never po kaming nagkita. Hindi ko nga po alam kung kilala niya ako. Hindi po talaga kami magkakilala,” sagot niya.

Lalabasan na raw kayo ng resibo ni Jillian para sa lahat ng kaniyang mga binibili, para lang 'di niyo masabing bigay!