Matapos ang ilang buwang pagkapanalo ni Mika Salamanca bilang Big Winner ng Pinoy Big Brother Celebrity Collab Edition, heto’t may bago na naman siyang sorpresa. Opisyal nang inanunsyo ng vlogger-turned-singer ang kanyang latest single na pinamagatang “Kasalanan” sa ilalim ng Star Music.

Sa kanyang Instagram post, nag-share si Mika ng teaser photo na tila pa-mysterious at puno nang emosyon. Dahil sa kanyang hashtag at broken chain na emoji, marami na agad ang nag-aabang kung tungkol ba ito sa paglaya sa isang relasyon o pag-amin sa isang pagkakamali.

Ilalabas niya ito sa lahat ng music streaming platforms sa February 6 pagpatak ng 12 MN! Magkakaroon din muna siya ng live performance sa It’s Showtime sa mismong araw ng release! Matatandaang nag-viral din ang debut song niyang 'Sino Nga Ba Siya' at ang collab nila ni Brent Manalo, kaya siguradong pasabog na naman itong bago niyang kanta!