Trigger Warning: Ang balitang ito ay may sensitibong nilalaman. Mag-ingat sa pagbabasa.
Sa ilang patak ng luha nasagot ang tanong kung si Nikko Natividad nga ba ang lalaki sa kumakalat na video scandal ngayon sa social media, mga YesPren!
Nangyari ang pag-amin ng dating Hashtag member nang interview-hin siya a ni Ogie Alcasid sa kaniyang vlog.&nbsp;
<iframe style="display: table; margin-left: auto; margin-right: auto;" title="YouTube video player" src="https://www.youtube.com/embed/X-AHywUNOp4?si=dKUgWQsFmvtNXtR7" width="560" height="315" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen="allowfullscreen" referrerpolicy="strict-origin-when-cross-origin"></iframe>
Chika ng male celebrity, sa pagitan ng taong 2023 at 2024 nangyari ang lahat ng ito. Wala raw sapat na dahilan ang keri niyang sabihin para pagtakpan ang mga nagawa niya. Hindi raw sila nag-away ng asawa at hindi raw siya lasing. Sa madaling salita pa nga raw, "nademonyo" siya noong mga panahong ito.
Sa pagkakakuwento ni Nikko, alam niya na raw na parang kinukuhaan sila ng babae dahil dati pa naman daw ay may kutob na siyang lalabas ito. Sa oras na mangyari 'yun, sigurado raw siyang hihiwalayan na siya ng kaniyang misis.
Wala raw siyang balak aminin sa asawa ang nagawa at magbabago na lang daw siya, pero noong 2025, nalaman niyang ibinibenta na ang kanilang video scandal sa Telegram.
Nang malaman daw ito ng asawang si Cielo Mae Eusebio, iyak lang daw nang iyak ang babae. "Hindi niya ako sinampal. Umiyak lang siya. Halos na-dehydrate na siya," say ni Nikko. Umabot pa nga raw ang asawa niya sa puntong halos gusto na nitong uminom ng maraming pills.&nbsp;
Mas lalo raw siyang nakonsensya nang magdesisyon si Cielo na patawarin siya. Imbes na galit, awa raw ang naramdaman ng asawa sa kaniya.&nbsp;
Isang pangako ang binitawan ni Nikko sa pamilya, aayusin niya raw ang sarili at magbabago na siya. Pinagsisihan na raw niya ang kaniyang naging kahinaan.&nbsp;
Sa ngayon, patuloy pa rin daw nilang inaayos ang kanilang relasyon para sa kapakanan ng kanilang dalawang anak.&nbsp;
Buong puso niya raw haharapin ang kabayaran sa kaniyang mga kasalanan at wala na raw siyang plano pang sampahan ng kaso ang nagpakalat ng video.