Sabi ng iba, magsisimula pa lang ang lahat ng pagsubok sa buhay pag naka-graduate ka na sa college. Parang hindi nga sila nagkamali dahil ito talaga ang nangyari sa kina Sachzna Laparan, Angelica Yulo, Wilbert Tolentino, at Geneva Cruz.

Nang mag-post kasi ang apat na kanilang toga pictures, iba't ibang reaksyon ang natanggap nila. Chika ng mga Marites, parang hindi pinaghirapan at binili lang ang mga hawak nilang diploma.

Hindi nakapagtimpi ang social media personality na si Sachzna at sinagot ang mga paratang. Say niya, "Nasasaktan ako sa ibang articles na nababasa ko na sinasabing binili ko [raw] ang diploma ko. Una sa lahat, hindi [gano'n] ang pagkakakilala ko sa Philippine Christian University."

Parang na-invalidate daw ang lahat ng pagod, effort, at dedication niya para makapagtapos. Sana raw ay maging masaya na lang ang lahat sa achievements ng ibang tao. Hay! Ang dami niyong time, ha? 'Wag ganiyan!

Deadma naman ang iba sa sabi-sabing ito. Para kay Wilbert Tolentino, proud daw siyang suotin ang cap at gown niya. Isa raw siyang patunay na "dreams do not have an expiration date."

Isang "testament of resilience" naman para kay Angelica Yulo ang kaniyang pag-graduate. Kasama niya sa ceremony ang kaniyang asawa at anak na si Mark Andrew Yulo.

Para naman daw sa younger self ni Geneva Cruz ang pagtatapos niyang ito. Chika niya, "Thirty-three years in the making but I finally did it!"

Pare-parehas namang inulan ng positibong komento ang post ng tatlo.