Tinuldukan na ni Sam Milby ang chika tungkol sa kanila ni Miss Universe 2018 Catriona Gray. Mahigit isang taon nang usap-usapan na hindi na matutuloy ang kanilang kasal at hiwalay na sila, bagay na tuluyan nang inamin ng singer noong Pebrero 18.

“Kami ni Cat, we've always been private about our relationship. If you wanna ask her what she was feeling, I can't speak for her. I know that we're okay, kahit after nung concert, I said, I'll go to the backstage. 'Cause we're okay." Ito ay matapos makitang umiiyak ang beauty queen sa concert ni TJ Monterde.

Paglilinaw din ni Sam, walang third party na naganap. Taliwas sa hula ng malilikot na isipan ng netizens na idinadawit ang pangalan ni Moira Dela Torre. "Sobrang close kami before, and I guess people wanted to connect our closeness to may nangyari sa amin," chika ni Sam.

Kung tatanungin naman daw kung "friends" pa sila ni Moira, hindi na raw. Isang sensitibong topic daw ito, kaya hindi na niya gusto pang palakihin ang chismis.

Wala pang pahayag ang dalawang dalagang involved sa issue. Sa ngayon, focus muna si Sam sa kaniyang career at pag-aalaga ng kalusugan.