Mukhang magiging wonderful talaga ang December natin, mga YesPren! Bilang launch ng first-ever ‘Wonderful Moments Music Festival,’ magsasama-sama ang ilan sa pinakamalalaking pangalan sa OPM at P-pop sa iisang stage. Gaganapin ang festival na ito sa SMDC Festival Grounds, Parañaque City, sa December 6 at 7, 2025.

Kasama sa bigating lineup ang iconic OPM artists tulad nina Sarah Geronimo, Ely Buendia, Bamboo, Parokya ni Edgar, Gloc-9, at Kamikazee. Siyempre, ‘di rin magpapahuli ang bagong generation ng OPM at P-Pop artists tulad ng BINI, ALAMAT, Cup of Joe, Arthur Nery, Adie, Dionela, Over October, Earl Agustin, Amiel Sol, Denise Julia, at Mika Salamanca. Solid na ang lineup, pero mayro’n pa raw isang guest na hindi na-re-reveal! May hula na ba kayo, mga YesPren?

Ang ticket prices per day ay nagsisimula sa Php 1,000 para sa General Admission, at aabot hanggang Php 5,000 naman para sa VIP.