‘Di niyo na mapipigilan ang SexBomb fever! Trending muli ang SexBomb Girls matapos nilang surpresahin ang kanilang fans! Naging mini fanmeet ang eksena sa ilang malls dahil personal na pinasalamatan nina nila Rochelle Pangilinan, Aira Bermudez, at Cynthia Yapchingco ang mga nakapila sa ticketing line ng ‘Get, Get, Aw’ reunion concert.

Sabi ni Rochelle sa kaniyang reel, “Maraming, maraming salamat sa walang sawang suporta. Ibang klase talaga magmahal [ng] mga PINALAKI NG SEXBOMB.” Nag-post din si Aira, at sabi niya, “Kahit ilang ‘rAWnd’ pa ang abutin, kakayanin namin [para] sa inyo! Mahal namin kayo! 💖”

Gaganapin na sa February 6 hanggang 8 ang ‘Get, Get, Aw!’ reunion concert series ng SexBomb Girls. Sana nakakuha na rin kayo ng tickets, mga YesPren!