Nabigla rin ba kayo sa transition ng panahon mula February hanggang March? No’ng nakaraan lang, kinatatamaran natin ang pagligo sa sobrang lamig samantalang ngayon, parang gusto na lang nating tumambay sa C.R. Mukhang alam na namin kung sino ang dapat sisihin!
Wala pa mang opisyal na anunsyo na simula na ang tag-init, nauna nang magpasikat sa araw itong si Sexy Megan at dumiretso na sa beach!
Baka raw kasi nagsasawa na kayong makita siyang laging naka-semi formal, kaya pinaandaran tayo ng red and black two-piece swimsuit. Sino ba ang kalaban at saan? ’Chos!
Wala man lang bakas ng mga kinain no’ng Christmas, New Year, at Valentine’s Day, pero simula pa lang ’yan! Sagot niya na ang pampalamig niyo ng ulo sa mga ilalabas niyang summer paandar. Simpleng paalala kung bakit “Sexy Megan” ang kanyang pangalan!