Sexy Megan, napa-question sa buhay dahil sa sahod? Netizens, todo ang relate!

Sa kanyang video, ito ay may mensahe na, "Minsan napapatanong ako kung nagwo-work na lang ba ako para hindi matawag na tambay. Wala rin namang natitira eh."

Paano ba naman, may trabaho nga siya pero parang wala ring natitira sa sahod dahil sa taas ng presyo ng mga bilihin! Isang pitik lang ng sweldo, bayad agad sa bills, pamasahe, pagkain, at kung anu-ano pa.

Pero aminin, may mga araw talaga na gusto na lang nating magpahinga, walang isipin at maging tambay. Yung tipong chill lang sa gilid habang pinapanood ang mga ganap sa paligid at ituro ang bahay nila Aling Marites sa mga nag tatanong.

Pero sa totoo lang, ramdam na ramdam talaga ang taas ng mga bilihin ngayon. Bago mo pa mahawakan nang maayos ang sahod mo, parang may nag-checkout na agad sa laman ng wallet mo!

At mukhang hindi lang si Sexy Megan ang naka-experience nito dahil bumaha agad ng comments mula sa mga netizens.

May isang netizen na nagsabi, "At least, may pang-bills haha 🤣 it's all that matters. Kahit dito sa abroad, wala rin natitira sa sweldo 😂."

Pero ang isa sa mga pinaka-nakakatawang comments ay mula sa netizen na nagsabing, "Ah wala... ako tambay, may 150 pesos hehehe."

Dahil dito, nauwi sa kwentuhan at tawanan ang comment section. Marami ang umaming pare-pareho lang ang sitwasyon nila, sumasahod, nagbabayad ng bills, tapos aantayin ulit ang susunod na payday.

Ikaw, YesPren? Naka-relate ka rin ba sa hugot ni Sexy Megan?