Handa na ba kayong bumirit, mga YesPren? Sa darating na Thursday, November 20, gaganapin na ang ‘The Best of Aegis’ concert sa Newport Performing Arts Theater!

Kung matagal mo nang hindi naririnig nang live ang iconic songs nila tulad ng ‘Luha,’ ‘Halik,’ at ‘Sayang na Sayang,’ ito na ang chance mo. Php 7,800 ang Platinum ticket, Php 6,800 ang SVIP, Php 5,800 ang VIP, Php 3,800 ang Gold at Php 2,800 naman ang Silver ticket. Available ito sa ticketworld.com.ph kaya bili na, YesPren!

Kasabay ng concert, inilabas na rin ng banda ang panibagong single nilang pinamagatang ‘Sa Huling Pag-Uwi Mo. Ito raw ay isang tribute song para kay Mercy Sunot, ang dating bokalista ng banda na pumanaw nitong 2024 dahil komplikasyon dulot ng breast and lung cancer.